Боксчиёни Тоҷикистон дар мусобиқоти Осиё иштирок менамоянд

Душанбе, 4 августа. (АМИТ «Ховар», Пайрав Назаров). — 3 август дар шаҳри Инчонги Куриёи Ҷанубӣ мусобиқоти навбатии ХХV1 Осиё оид ба бокс байни калонсолон оғоз ёфт. Қариб 160 нафар боксчиёни 23 кишвари ҷаҳон, аз ҷумла варизшгарони Тоҷикистон, Чин, Тайбэи Чин, Ҳиндустон, Индонезия, Эрон, Ироқ, Ҷопон, Урдун, Қазоқистон, Кувайт, Қирғизистон, Лаос, Муғулистон, Непал, Покистон, Фаластин, Филиппин, Куриёи Ҷанубӣ, Шри – Ланка, Сурия, Туркманистон ва Ӯзбекистон барои дарёфти ҷоизаҳои мусобиқоти қитъавӣ қувваозмоӣ менамоянд. Ба ҳайати дастаи мунтахаби Тоҷикистон боксчиёни беҳтарини кишвар шомиланд. Иштирокунандагони бозиҳои олимпии Пекин Анвар Юнусов ва Ҷаҳон Қурбонов аз ҷумлаи онҳоанд.