Боз 189 нерӯгоҳи хурд сохтамешавад

Душанбе, 5 август. (АМИТ «Ховар», Лаззат Диловарзод).- Ба иттилои вазири энергетика ва саноат Гул Шералӣ, тибқи барномаҳои тасдиқнамудаи Ҳукумати ҷумҳурӣ то соли 2020 бояд 189 нерӯгоҳҳои хурду миёна сохта ва ба истифода дода шавад. Ба гуфти вазир, ду сол пеш 53 нерӯгоҳи хурд сохта ба истифода дода шуд. Танҳо соли 2010 шумораи нерӯгоҳи хурди барқи обии ба истифода додашуда 34 ададро ташкил дод. Соли ҷорӣ боз 22 адад нерӯгоҳи хурди обӣ сохта, ба истифода дода мешавад.Аз ҳисоби сохтмони нерӯгоҳҳои хурди барқи обӣ тавлиди 30 млрд. кВт/соат нерӯи барқ вуҷуд дорад.Айни замон истеҳсоли солонаи қувваи барқ дар нерӯгоҳҳои хурди барқи обӣ 16 млрд. кВт/ соатро ташкил медиҳад.