Боздиди О. Оқилов аз «Анзоб»
Душанбе, 3 август. (АМИТ «Ховар», Дилшодаи Хайруллоҳ).- 2 августи соли равон Сарвазири Ҷумҳурии Тоҷикистон Оқил Оқилов дар ноҳияи Айнии вилояти Суғд бо ҳолати кунунии роҳи мошингарди Айнӣ-Мастчоҳи Кӯҳӣ ва бо рафти корҳои сохтмонӣ дар корхонаи маъдантозакунии «Анзоб» шинос шуд.Тавре маълум шуд, дар охири моҳи июли соли равон бар асари лағзиши кӯҳпора дар километри 22-юми роҳи мошингарди Айнӣ- Мастчоҳи Кӯҳӣ масофаи беш аз 300 метр роҳ зери сангу шағал монда, рафту омади нақлиёт ба пуррагӣ қатъ гардидааст. Ҳамзамон дар баробари ин хатҳои алоқа ва заминҳои таъиноти кишоварзии назди роҳи мазкур зарар дидаанд.Оқил Оқилов роҳбарияти вилоят ва масъулини соҳаҳои дахлдори мамлакатро вазифадор кард, ки барои ҳарчӣ зудтар барқарор сохтани қитъаи роҳи харобгардида ва барои бунёди роҳи иловагии муваққатӣ аз деҳаи Вешаб ба ҷониби ноҳияи Ғончӣ тадбирҳои зарурӣ андешида робитаи нақлиётии байниноҳиявиро дар мӯҳлати кӯтоҳтарин таъмин намоянд. Дар баробари ин масъулини соҳаҳои дахлдор вазифадор гардиданд, ки хатҳои алоқаи харобгардидаро дар фурсати кӯтоҳ ва бо сифати баланд барқарор намоянд.Дар идомаи сафари кории худ ба ноҳияи Айнӣ Сарвазири мамлакат Оқил Оқилов бо ҷараёни сохтмони коргоҳи коркарди маҳсулоти ниҳоӣ дар корхонаи маъдантозакунии «Анзоб» шинос шуд.Баъд аз шиносоӣ Сарвазири мамлакат Оқил Оқилов роҳбарияти ноҳия ва корхонаро вазифадор кард, ки барои бунёди корхонаи коркарди маҳсулоти ниҳоӣ пеш аз ҳама истифодаи техника ва технологияи муосирро дар сатҳи зарурӣ ба роҳ монда, то охирҳои соли 2012-ум коркарди маҳсулоти ниҳоиро дар корхонаи нав шурӯъ намоянд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






