Дар Душанбе ду озмоишгоҳи нав ба кор даромад
Душанбе, 17 август (АМИТ «Ховар», Кристина Эрлих). – Дар арафаи таҷлили 20 – солагии Истиқлолиятии давлатии ҷумҳурӣ озмоишгоҳҳои радиологӣ ва санитарию бактериологии назди Хадамоти давлатии назорати санитарӣ рӯи кор омаданд, ки баъди тармими асосӣ бо таҷҳизоти навтарин ҷиҳозонида шудаанд. Пеш аз оғози нишасти матбуотӣ, ки ба муносибати ифтитоҳи ду озмоишгоҳи нав баргузор гардид, журналистон бо таҷхизоти ҳар ду озмоишгоҳ ва фаъолияти онҳо шиносоӣ пайдо карданд. Мутахассисоне, ки дар озмоишгоҳҳои радиологӣ ва санитарию бактериологӣ фаъолият доранд, дар марказҳои чунин озмоишгоҳҳои Таиланд, Туркия, Русия ва Қазоқистон таҷриба андӯхтаанд. Мувофиқи суханони муовини директори Хадамоти давлатии назорати санитарӣ Наврӯз Ҷаъфаров, Ҳукумати ҶТ ва Вазорати тандурустии ҶТ барои тармиму таҷдиди озмоишгоҳҳо маблағи зарурӣ ҷудо карданд.Баъди ифтитоҳи ду озмоишгоҳи нав дар бинои Хадамоти давлатии назорати санитарию эпидемиологӣ маросими ботантанаи мукофотонидани кормандони шоиста ва собиқадорони ин хадамот баргузор шуд. Директори Хадамоти давлатии назорати санитарию эпидемиологии назди Вазорати тандурустии ҶТ Самариддин Алиев ба ифтихори Рӯзи кормандони тибб, ки ҳар сол 18 август таҷлил мешавад, ба 10 нафар кормандони шоиста ва собиқадорони хадамот ифтихорномаҳо ва мукофоти пулӣ супурд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






