Дар кадом бонк амонати шахсони воқеӣ зиёд шуд ?

Душанбе, 24 август. (АМИТ «Ховар», Покиза Маҳмадбекова). – Тайи ҳафт моҳи соли ҷорӣ ҳаҷми умумии амонат нисбат ба ҳамин давраи соли гузашта 22,3 % афзуда 3,9 млрд. сомониро ташкил дод. Тавре ба АМИТ «Ховар» аз Бонки миллии Тоҷикистон иттилоъ доданд, аз ҷумла шумораи амонат дар шакли асъори миллӣ баробари 1,5 млрд. сомонӣ ва дар шакли асъори хориҷӣ 2,4 млрд. сомонӣ зиёд гардид. Дар сохтори амонат 49,5% ё 1,9 млрд. сомониро амонати шахсони ҳуқуқӣ ва 50,5 ё 2 млрд сомониро амонати шахсони воқеӣ ташкил медиҳад.Тибқи иттилои Бонки миллии Тоҷикистон дар давраи ҳисобот фоизи амонати миёнаи муқаррарӣ дар шакли асъори миллӣ 15,91 % ва дар шакли асъори хориҷӣ 15,8 %-ро ташкил дод.