Дар Тоҷикистон маъракаи пахтачинӣ сар шуд

Август 9, 2011 11:11

Душанбе, 9 август (АМИТ «Ховар», Кристина Эрлих). – Дар Тоҷикистон маъракаи пахтачинӣ оғоз ёфт. Деҳқонони ноҳияҳои вилояти Хатлон аввалин шуда, ба ҷамъоварии «тиллои сафед» шурӯъ намуданд.Дар ин бора ба хабарнигори АМИТ «Ховар» дар Вазорати кишоварзии Ҷумҳурии Тоҷикистон иттилоъ доданд. Мувофиқи суханони манбаъ, маъракаи пахтачинӣ аз минтақаҳои ҷанубии кишвар ва пеш аз ҳама дар ноҳияҳои вилояти Хатлон оғоз ёфт. Баъди чанде вақт деҳқонони навоҳии тобеи ҷумҳурӣ ва пахтакорони вилояти Суғд ҳам ба ҷамъоварии пахта шурӯъ мекунанд. «Ҳосилнокӣ дар ҷануби кишвар аз ҳар гектар ба ҳисоби миёна 25 – 26 сентнерӣ ва дар минтақаҳои шимоли мамлакат 24 – 25 сентнериро ташкил хоҳад дод. Ба ҳамин тариқ, дар миқёси ҷумҳурӣ аз ҳар гектар ба ҳисоби миёна 26 сентнерӣ ҳосил ба даст оварда, ҳосили умумии пахта дар кишвар 420 ҳазор тоннаро ташкил хоҳад дод. Ҳосили пахтаи маҳиннах дар миқёси ҷумҳурӣ беш аз 15 ҳазор тонна хоҳад буд», — зикр намуданд дар Вазорати кишоварзии ҷумҳурӣ.Хотирнишон месозем, ки соли ҷорӣ пахтакорони мамлакат дар масоҳати 203 ҳазор гектар пахта кишт намуданд. Соли гузашта дар масоҳати 160,4 ҳазор гектар пахта кишт шуда, ҳосили умумии он 310 ҳазор тоннаро ташкил дода буд.

Август 9, 2011 11:11

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд