Дар Тоҷикистон сохтмони НБО – и нав оғоз меёбад

Душанбе, 16 август (АМИТ «Ховар», Кристина Эрлих). – Дар ноҳияи Айнии вилояти Суғд сохтмони нерӯгоҳи барқи обии кӯчак ба нақша гирифта шудааст. Дар ин бора ба хабарнигори АМИТ «Ховар» дар Вазорати энергетика ва саноати ҶТ иттилоъ доданд.Мувофиқи суханони манбаъ, таҳияи нақшаи техникию иқтисодӣ ва маблағгузории лоиҳаро ширкати «Фароб» — и Эрон, ки дар ҳоли ҳозир пудратчии асосии НБО – 2 Сангтӯда мебошад, ба ӯҳда мегирад.Қобили зикр аст, ки дар ноҳияҳои Айнӣ, Нуробод, Рашт, Тоҷикобод, Ҷиргатол, Балҷувон, Турсунзода ва Шаҳринав низ сохтмони 8 НБО – и хурд пешбинӣ шудааст.