Дармонгоҳи тахассусӣ ҳадя ба ҷашни Истиқлол

Душанбе, 11 август.(АМИТ «Ховар», Марзия Саидова).- Дар остонаи ҷашни 20-умин солгарди Истиқлолияти давлатии Ҷумҳурии Тоҷикистон дар Душанбе дармонгоҳи тахассусии Ҷамъияти Ҳилоли Аҳмари Эрон /ҶҲАЭ/ ба фаъолият шурӯъ мекунад. Ба иттилои равобити умумии Сафорати Эрон дар Душанбе дармонгоҳи тахассусӣ шомили бахшҳои табобати чашм, пӯст, бемориҳои занона, қалб, рӯдаю меъда, радиоложӣ, сонографӣ ва озмоишӣ мебошадҶамъияти мазкур, ки аз соли 2003 дар Тоҷикистон фаъолият дорад, қаблан дорои дармонгоҳи умумӣ буд ва ба шахсони ниёзманд дар асоси пешниҳоди маълумотнома аз макони зист ба таври ройгон кӯмаки тиббӣ мерасонид.ҶҲАЭ алҳол дар 18 кишвари қораи Осиё, Африқо ва Амрикои Лотин беш аз 30 маркази тиббию дармонӣ дорад.