Дастгирии ҳуқуқии ҷомеаи шаҳрвандӣ

Душанбе, 16 август (АМИТ «Ховар», Кристина Эрлих). – Дар чаҳорчӯбаи лоиҳаи минтақавӣ дар Тоҷикистон барномаи сесола бобати дастгирии ҳуқуқии ҷомеаи шаҳрвандӣ рӯи кор оварда мешавад. Тавре дар намояндагии USAID дар Тоҷикистон ба хабарнигори АМИТ «Ховар» иттилоъ доданд, барномаи минтақавии мазкур дар Тоҷикистон, Қазоқистон, Қирғизистон, Туркманистон ва Ӯзбекистон амалӣ гардида, мақсад аз он таҳкими муҳити ҳуқуқӣ, идоравӣ ва иттилоотӣ ҷиҳати фаъолияти самарабахши ҷомеаи шаҳрвандӣ мебошад.Дар ҷараёни татбиқи барнома ба созмонҳои ҳуқуқӣ кӯмаки зарурӣ расонида мешавад. Лоиҳаи мазкур фаъолияташро дар соли 2012 анҷом медиҳад.