Дорухонаи беҳтарин кадом аст ?

Душанбе, 24 август.(АМИТ «ХОВАР, Заррина Саидова).- Имрӯз ба ифтихори таҷлили шоистаи 20- солагии Истиқлолияти давлатии Ҷумҳурии Тоҷикистон Хадамоти назорати давлатии фаъолияти фармасевтии кишвар озмуни «Дорухонаи беҳтарин»-ро ҷамъбаст намуд ва ғолибони озмун муайян гардиданд.Ҷойи аввалро дорухонаи №26 ҶДММ «Шифои Сино» аз шаҳри Душанбе соҳиб гардида, яхдони фармасевтӣ тӯҳфа гирифт. Ҷойҳои дуюм насиби дорухонаҳои №1, 21 аз ҶДММ «Тиб барои Шумо» ва «Сомонӣ» гардида, ба онҳо ноутбук тӯҳфа карда шуд.Ҷойҳои сеюмро дорухонаҳои «Мастура»-и ҶДММ «Мастура», дорухонаи №99 ҶДММ «Ориён-фарм» ва дорухонаи ҶДММ «Шайх-Сино» соҳиб шуда, бо компютерҳо мукофотонида шуданд.