Ду ҳодисаи гардиши ғайриқонунии маводи мухаддир ошкор шуд

Душанбе, 4 август. (АМИТ «Ховар», Лутфия Эшонқулова).- 3 августи соли ҷорӣ кормандони ВКД кишвар ду ҳодисаи гардиши ғайриқонунии маводи мухаддирро ошкор намуданд. Тавре ба АМИТ «Ховар» аз маркази матбуоти ВКД ҶТ хабар доданд, дар рафти амалиёти фаврӣ-ҷустуҷӯӣ дар ноҳияи Фирдавсии шаҳри Душанбе шаҳрванди 39 сола, истиқоматкунандаи шаҳри Душанбе дастгир шуд. Аз дохили мошини ӯ 20 бастачаи селофанӣ, ки дар дохилашон қариб 1 кг маводи нашъадори героин буд, мусодира гардид.Тибқи суханони манбаъ инчунин дар ҷараёни амалиёти дигари кормандони ин мақомот аз шаҳрванди 34 солаи сокини ноҳияи Ҳамадонии вилояти Хатлон қариб 1 кг ҳашиш дарёфт гардид. Аз рӯи ҳодисаҳои мазкур парвандаи ҷиноӣ боз шуда тафтишот идома дорад.