Ду низомии мусаллаҳ кӣҳо буданд?

Душанбе, 22 август. (АМИТ «Ховар», Лутфия Эшонқулова). — 21 августи соли ҷорӣ 2-нафар шахси номаълуми дар тан либоси низомӣ дошта ва бо яроқи оташфишон мусаллаҳ ба назди ҳавлии истиқоматии сокини ноҳияи Ҷаббор Расулов М. Худойбердиев омада, ба тарафи хонаи ӯ якчанд тир холӣ менамоянд. Тибқи иттилои сардори маркази матбуоти ВКД ҶТ Маҳмадулло Асадуллоев ҷинояткорон баъди тирпаронӣ аз бордони автомашинаи М.Ш. Худойбердиев ҷавоҳироти заргариро ба маблағи 485 ҳазор сомонӣ тасарруф намуда, аз ҷойи ҳодиса ғайб мезананд. Дар натиҷаи тирпанронӣ писари Худойбердиев аз дасти росташ тир хӯрда, дар беморхонаи ноҳияи Ҷ.Расулов бистарӣ шудааст. Барои муайян ва дастгир кардани ҷинояткорон тафтишот идома дорад.