«Dushanbe –Serena» дорои чанд люкс аст?

Август 12, 2011 12:41

Душанбе, 12 август.(АМИТ «Ховар», Марзия Саидова).-Дар остонаи ҷашни 20 –умин солгарди Истиқлолияти давлатии Ҷумҳурии Тоҷикистон дар шаҳри Душанбе меҳмонхонаи наву замонавии панҷситорадор — «Душанбе-Серена» /Dushanbe-Serena/ ба истифода дода мешавад. Меҳмонхонаи «Душанбе-Серена», ки дар хиёбони Рӯдакии пойтахт сохтмонаш идома дорад, дорои 95 ҳуҷра буда, 4 адади он ҳуҷраи люкс ва яктоаш «Президентӣ» мебошад, ки дар ошёнаи 8 ҷойгир шудаанд. 80 ададро ҳуҷраҳои муқаррарӣ ташкил медиҳанд. «Душанбе-Серена» е аз иншооти бузурги ҷашнии пойтахт буда, дар масоҳати беш аз 11 ҳазор метри мураббаъ доман густурдааст. Меҳмонхона дорои даҳ аппартамент аст, ки онҳо дар ошёнаҳои аз 3 то 7 ҷойгир шудаанд. Дар маҷмӯъ, «Душанбе-Серена» аз 9 ошёна иборат аст, ки дар ошёнаҳои 3 ва 9 –уми он тарабхона ва ҳавзи манзаравӣ вуҷуд дорад. Иншооти мазкур бо маблағи беш аз 165 миллион сомонӣ сохта шуда, фармоишгараш Ҷамъияти саҳомии кушодаи «Туризм промоушн сервисиз» мебошад, ки яке аз ширкатҳои фаръии Хазинаи Оғохон оид ба рушди иқтисодӣ аст. Корҳои сохтмонӣ дар иншоот аз ҷониби пудратчии асосӣ -Ҷамъияти дорои масъулияти маҳдуди «БАТТ Курилис»-и Қазоқистон ба иҷро мерасонад. Тибқи иттилои Шавкат Саидов, котиби матбуотии Раиси шаҳри Душанбе, «Душанбе -Серена», ҳамзамон дорои толорҳои муосиру замонавии зиёфатӣ, конфронсҳо, тарабхона, қаҳвахона ва чойхона мебошад. Корҳои сохтмонӣ дар ин иншоот чор сол муқаддам- моҳи декабри соли 2007 дар асоси Қарори Раиси шаҳри Душанбе шурӯъ гардидаанд. Дар остонаи ҷашни 20-умин солгарди Истиқлолияти давлатии Ҷумҳурии Тоҷикистон мавриди баҳрабардорӣ қарор додани боз як иншооти ҷашнӣ аз рушди иқтисод ва беҳдошти вазъи иҷтимоии ҷомеа дарак медиҳад. Зеро баробари ба истифода додани «Душанбе-Серена» беш аз 200 нафар шаҳрвандон бо ҷойи кор таъмин мегарданд.

Август 12, 2011 12:41

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд