Дзюдочиёни тоҷик ба Киев мераванд
Душанбе, 10 август (АМИТ «Ховар», Пайрав Назаров). – 11 август дар шаҳри Киеви Украина мусобиқоти ҷаҳон аз рӯи гӯштини тарзи дзюдо байни ҷавонон сар мешавад. Мусобиқот дар «Қасри варзиш» — и Киев давом мекунад, ки дар он гӯштингиргони ҷавони Тоҷикистон, Русия, Фаронса, Бразилия, Ҷопон, Гурҷистон, Куриё иштирок менамоянд.Ситоди мураббиҳои дастаи мунтахаби Тоҷикистон ҳайати ниҳоии дастаи миллиро муайян намуд, ки ба он 13 нафар гӯштингирон ва ду мураббӣ шомиланд. Гӯштингирони ҷавони тоҷик дар ВМКБ таҳти роҳбарии мураббиҳо Владимир Елчанинов ва Кишвар Шамиров ба мусобиқоти ҷаҳон тайёрӣ диданд.Бо вуҷуди ҷавон будани синни иштирокдорон, ин мусобиқот аз рӯи системаи варзишгарони калонсол доир гардида, дар ҳар вазн фақат ду нафарӣ аз ҳар кишвар қувваозмоӣ менамоянд. Қобили зикр аст, ки ғолибони мусобиқот на фақат медал мегиранд, балки барои дарёфти мукофоти маблағаш баробари 50 ҳазор доллар низ қувваозмоӣ менамоянд.








29 январ дар якчанд вазорату идораҳо нишастҳои матбуотӣ баргузор мегарданд
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе ноҳияҳои Тоҷикистон барф меборад
Дар шаҳри Норак барои ҳифзи тартиботи ҷамъиятӣ санҷишҳои шабона гузаронида шуданд
Имрӯз дар Тоҷикистон ҳавои тағйирёбанда пешгӯӣ мешавад






