Гӯшаи Бобоҷон Ғафуров

Хоруғ, 13 август. (АМИТ «Ховар», Л.Додо). – Ба манзури истиқболи шоистаи ҷашни 20 – уми солгарди Истиқлолияти давлатии Ҷумҳурии Тоҷикистон аҳли фарҳанги ВМКБ як қатор тадбирҳои амалӣ меандешанд.Дар китобхонаи бачагонаи вилоятӣ бахшида ба ҳаёту фаъолияти Қаҳрамони Тоҷикистон, академик, муаллифи китоби «Тоҷикон» Бобоҷон Ғафуров гӯшаи махсус омода шуд, ки дар он китобҳо оиди таърихи миллати тоҷик, қаҳрамониҳову ҷонбозиҳои фарзандони тоҷик дар солҳои таъсиси ҷумҳурӣ ва ба даст овардани истиқлолият гирд оварда шудаанд.