Густариши муносибатҳои Тоҷикистону Покистон

Душанбе, 10 август. (АМИТ «Ховар», Пайрав Назаров). — 9 августи соли 2011 дар доираи сафари кории Вазири коммуникатсияи Ҷумҳурии Исломии Покистон доктор Арбоб Оламгир Хон мулоқоти ӯ бо Вазири корҳои хориҷии Ҷумҳурии Тоҷикистон Ҳамрохон Зарифӣ баргузор гардид. Дар рафти вохӯрӣ ҷонибҳо оид ба масъалаҳои густариши муносибатҳои байни Тоҷикистону Покистон табодули назар карданд. Ҳангоми баррасии масъалаҳо қайд гардид, ки ҳамкориҳо миёни Тоҷикистон ва Покистон дар соҳаи савдо, энергетика, нақлиёт ва коммуникатсия бомуваффақият тавсеа меёбанд.Ёдовар мешавем, ки дар доираи сафари кории Вазири коммуникатсияи Покистон, ҳамчунин вохӯриҳои ӯ бо дигар шахсони расмии Ҷумҳурии Тоҷикистон дар назар дошта шудааст.