Имзои паймон бо «Евромонитор интернейшнл»

Душанбе, 9 август.(АМИТ «Ховар», Марзия Саидова).-Тибқи Созишномаи ҳамкории Китобхонаи миллии ҷумҳурӣ ба номи А. Фирдавсӣ бо «Евромонитор интернейшнл», ин созмон барои хонандагони Китобхонаи миллӣ 8 миллион маълумотномаи омории муқоисавии байналмилалӣ доир ба масъалаҳои иқтисод ва демографияро фароҳам меорад.Мавриди зикр аст, ки Китобхонаи миллии ҷумҳурӣ, алҳол дорои 3 миллиону 300 ҳазор китоб буда, 35 ҳазор хонанда дорад. Дар остонаи ҷашни 20-умин солгарди Истиқлолияти давлатии Ҷумҳурии Тоҷикистон дар Душанбе бинои нави Китобхонаи миллӣ мавриди истифода қарор дода мешавад, ки дар он то 10 миллион китоб ва адабиёти гуногун маҳфуз хоҳад буд.