Имзои Ёддошти тафоҳум

Август 10, 2011 10:17

Душанбе, 10 август.(АМИТ «Ховар», Марзия Саидова).-Ёддошти тафоҳум дар хусуси ҳамкории Тоҷикистону Эрон дар бахши муҳити зист ба имзо расид. Ба гузориши равобити умумии Сафорати Эрон дар Душанбе ин санад дар ҳошияи баргузории чорумин иҷлосияи вазирони муҳити зисти Созмони ҳамкории иқтисодӣ /ЭКО/ дар Теҳрон аз ҷониби Талбак Салимов, Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва Муҳаммадҷавод Муҳаммадизода, Раиси Созмони ҳифозат аз муҳити зисти Эрон ба имзо расидааст.Дар асоси ин санад ҳамкориҳо дар бахши ҳифзи муҳити зист байни ду кишвар густариш хоҳад ёфт. Тибқи он бозомузӣ ва такмили ихтисоси кормандони Кумитаи ҳифзи муҳити зисти Тоҷикистон дар созмони ҳифозати муҳити зисти Эрон ба роҳ монда шуда, инчунин Эрон барои эъмори осорхонаи табиӣ — таърихӣ дар шаҳри Душанбе саҳмугзорӣ менамояд. Дар асоси Ёддошти тафоҳум тамоюли таҳкими ҳар чӣ бештари равобити дӯстона ва ҳамкории стратегии миёни ду давлат, ҳамкорӣ дар бахши мудирияти муассири муҳити зист дар сатҳи миллӣ, минтақавӣ ва байналмилалӣ ба хотири наслҳои имрӯз ва ояндаи Тоҷикистону Эрон ва башарият ба роҳ монда мешавад. Дастёбӣ ба ҳадафҳои рушди ҳазорсола, коҳиши сатҳи камбизоатӣ, ҳамкориҳои устувор ва дарозмуддат дар бахши ҳифзи муҳити зист аз ҷумлаи масъалаҳое мебошанд, ки дар ин санад зикр шудаанд.

Август 10, 2011 10:17

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд