Иншооти ҷашнӣ дар Мӯъминобод

Кӯлоб, 3 август. (АМИТ «Ховар», С. Холов). – Бахшида ба ҷашни 20- солагии Истиқлолияти давлатии ҶТ ҷамъияти матлуботи ноҳияи Мӯъминобод маркази нави савдоро ба истифода дод, — гуфт раиси ҷамъият Эмомалӣ Самадов ба хабарнигори АМИТ «Ховар». Ба қавли ӯ барои сохтмони иншооти ҷашнӣ беш аз 15 000 сомонӣ масраф гардида, 12 нафар сокинон бо ҷойи кори доимӣ таъмин гардиданд.Айни ҳол мувофиқи нақшаи чорабиниҳо бо маблағи ҷамъият дар тармиму таҷдиди 48 дӯкони савдои бозори марказии ноҳия идома дошта, онҳо то ҷашни 20- солагии Истиқлолият ба истифода дода мешаванд, – афзуд раиси раёсат Эмомалӣ Самадов.