Интихоби такрории Харухико Курода

Душанбе, 12 август (АМИТ «Ховар», Пайрав Назаров). – Шӯрои мудирони Бонки Рушди Осиё (БРО) Харухико Куродаро бо як овоз боз ба муддати 5 сол президенти БРО такроран интихоб намуд.Тавре дар намояндагии БРО дар Тоҷикистон ба АМИТ «Ховар» иттилоъ доданд, Х.Курода бори нахуст моҳи ноябри соли 2004 президенти БРО интихоб гардида, 1 феврали соли 2005 ба иҷрои вазифаҳояш расман шурӯъ карда буд. Х.Курода дар давраи мансаби президенти Бонки Рушди Осиёро ишғол карданаш сармояи аввалияи Бонкро се маротиба афзоиш дода, аз 55 миллиард доллар ба 165 миллиард доллари ИМА расонида, ҳаҷми маблағгузории ройгони Бунёди Рушди Осиёро хеле афзун намуд, ки ин ба БРО имкон медиҳад, ба масъалаҳои тағйир додани иқлим мадад карда, мамлакатҳои сусттараққию ихтилофотдорро бештар пуштибонӣ намояд.