Истифодаи маблағҳои қарзӣ

Душанбе, 4 август. (АМИТ «Ховар», Лаззат Диловарзод).- Бино ба иттилои раиси Кумитаи сармоягузорӣ ва идораи амволи давлатӣ Давлаталӣ Саидов, дар доираи татбиқи лоиҳаҳои сармоягузории давлатӣ дар нимаи аввали соли 2011 742 млн. доллари амрикоӣ маблағҳои қарзӣ мавриди истифода қарор гирифтанд.Ба иттилои манбаъ, айни замон дар Ҷумҳурии Тоҷикистон 56 лоиҳаи сармоягузории давлатӣ амалӣ мегардад, ки он беш аз 11 соҳаи гуногуни иқтисодиро дарбар гирифтааст.Ба гуфти Д.Саидов, маблағи умумии татбиқи лоиҳаҳо дар Ҷумҳурии Тоҷикистон ба 1 млрд.732,9 млн. доллари амрикоӣ баробар аст, ки 61,7 фоизи онро маблағҳои қарзӣ, 28,2 фоизашро маблағҳои грантӣ ва 7,8 фоизи дигарро саҳми ҶТ ташкил медиҳад.