Кӯмаки низомиён ба кӯдакони маъюб

Душанбе, 5 август (АМИТ «Ховар», Лутфия Эшонқулова). – Афсарону сарбозони пойгаҳи низомии 201 – уми Русия дар Тоҷикистон ба тарбиягирандагони мактаби махсуси ҷумҳуриявии кӯдакони мубталои бемории фалаҷ ва мактаби ҷумҳуриявии кӯдакони сустбосираи ноҳияи Ҳисор кӯмаки моддӣ расониданд. Тавре ёвари қумондони пойгаҳи низомии 201 – уми Русия оид ба таъмини иттилоотӣ Дмитрий Матушкин ба АМИТ «Ховар» хабар дод, хизматчиёни ҳарбии Русия маъмурият ва дастпарварони мактабро бо фарорасии моҳи шарифи Рамазон муборакбод намуда, ба кӯдакони маъюб беш аз 100 адад бозича тақдим намуданд.«Пойгаҳи низомии Русия беш аз 10 сол боз ба муассисаҳои махсуси таълимии Тоҷикистон дасти ёрӣ дароз мекунад ва ният дорад, ки ба кӯдакони имконияташон маҳдуд минбаъд ҳам кӯмак намояд», гуфт Д.Матушкин.