Кадоме аз тарабхона ва меҳмонхонаҳои Душанбе беҳтарин аст?
Душанбе, 4 август.(АМИТ «Ховар», Марзия Саидова).- Бо мақсади сазовор истиқбол гирифтани 20-умин солгарди ҷашни Истиқлолияти давлатии Ҷумҳурии Тоҷикистон дар пойтахт озмуни «Беҳтарин тарабхона, меҳмонхона ва ошхона» гузаронида мешавад.Дар ин хусус Раиси шаҳри Душанбе Маҳмадсаид Убайдуллоев қарор ба имзо расонид.Озмуни мазкур бо мақсади рақобатпазиргардонии меъёрҳои байналмилалии фарҳанги хизматрасонӣ, баланд бардоштани мавқеъ ва нақши соҳибкорон дар ҷомеа, таблиғи беҳтарин навовариҳо, ҳавасмандгардонӣ ва дастгирии ҳамаҷонибаи онҳо, инчунин, рушди минбаъдаи соҳибкории хурду миёна дар пойтахт гузаронида мешавад.Озмун, ки аз 30 июл шурӯъ гардидааст, то 20 августи соли 2011 байни соҳибкороне, ки дар тарабхона, меҳмонхона ва ошхонаҳои пойтахт фаъолият доранд, гузаронида шуда, натиҷаи он 25 август ҷамъбаст мегардад.Шавкат Саидов, котиби матбуотии Раиси шаҳри Душанбе, мегӯяд, ки хизматрасонӣ дар меҳмонхонаю тарабхонаҳо яке аз ҷузъиёти таркибии муаррифии фарҳанг ва хусусиятҳои хоси ҳар як миллат ва давлат маҳсуб мешавад. Аз ин рӯ, баргузории чунин озмун дар робита ба таҷлили 20-умин солгарди ҷашни Истиқлолияти давлатӣ барои муаррифии беҳтарин дастовардҳо ба меҳмонони хориҷӣ ва шаҳрвандон барои рушди сатҳи хизматрасонӣ ва ба меъёрҳои байналмилалӣ ҷавобгӯ будани ҳар як субъекти хоҷагидори хизматрасон мусоидат менамояд.Ҷиҳати дар сатҳи баланд гузаронидани озмун комиссия таъсис дода шудааст.Ғолибони озмунро мукофоту ифтихорномаҳо интизор аст.Назорати иҷрои қарори мазкур ба зиммаи Сайвалӣ Сафаров, муовини Раиси шаҳри Душанбе, ки масъули бахши иқтисод аст, вогузор шудааст.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






