«Кайҳон» мавсимро ҷамъбаст кард

Душанбе, 11 май. (АМИТ «Ховар», Мавзуна Бойева)- Фароғатгоҳи кўдаконаи «Кайҳон»-и Фурудгоҳи байналмилалии Душанбе, воқеъ дар дараи хушманзараи Ромит имсол дар се баст фаъолият намуд. Кормандони фурудгоҳ биноҳои истиқоматӣ, ошхона, нуқтаи тиббӣ, толори маҷлисгоҳ, майдончаҳои варзишӣ ва фароғатӣ, ҳавзи шиновариро аз таъмири хушсифат бароварданд.Имсол дар маҷмўъ 490 нафар бачагон ба истироҳат фаро гирифта шуданд. Дар басти аввал 10 нафар тарбиятгирандагони мактаб-интернати ноҳияи Ҳисор ва дар басти сеюм 22 нафар аз оилаҳои камбизоати шаҳри Кўлоб ба фароғатгоҳ ҷалб шуданд.