Коҳиш додани хатарҳои ба тағирёбии иқлим вобаста
Душанбе, 15 август. (АМИТ «Ховар», Дилшодаи Хайруллоҳ).- Таъғирёбии иқлим яке аз масъалаҳоест, ки мавриди баррасии ҷомеаи ҷаҳонӣ қарор дорад. Тоҷикистон низ аз баррасии он дар канор нест. Бо гузаронидани конфронсу чорабиниҳо паҳлӯҳои гуногуни ин масъала пайваста мавриди таҳлили коршиносон қарор мегирад. Бо дастгирии Ҳукумати Ҷумҳурии Тоҷикистон ва ташкилоти кўмаки башардӯстонаи «Фокус» дар мавзӯи «Устуворӣ нисбат ба офатҳои табиии вобаста ба иқлим» дарси омўзишӣ ташкил карда шуд. Омўзиши мазкур тули се рўз идома ёфта, дар кори он коршиносони тоҷик ва намояндагони як қатор ташкилотҳои байналмилалӣ иштирок менамоянд. Ҳадафи чорабинии мазкурро коршиносон пеш аз ҳама барои беҳтар намудани кори нафароне, ки ба устуворкунонии ҷамоатҳо машғуланд, маънидод намуда, ин иқдомро воситаи муҳими табодули таҷрибаи якдигар арзёбӣ карданд.Зимни баргузории чорабинии мазкур қайд шуд, ки имрўзҳо дар Тоҷикистон ба хотири кам кардани хатари офатҳои табиӣ ва эмин доштани ҷамоату деҳотҷой аз ин гуна хатарҳо як қатор тадбирҳо амалӣ гардида истодаанд. Ба хотири устувор намудани чунин мавзеъҳо нисбат ба офатҳои табиӣ дар тамоми минтақаҳои мамлакат гурӯҳҳои корӣ фаъолияти босамар доранд, ки бо таҷҳизоти муосир таъминанд.Ҳамчунин зимни чорабинӣ таҷрибаи дигар муассисаҳое, ки дар Осиё фаъолият доранд, мавриди омўзиш қарор дода шуд. Ҳамин тариқ, иштирокчиён як қатор тавсияҳои муҳимро ба хотири роҳнамоӣ ҳангоми фаъолияти минбаъдаи коҳишдиҳии хатарҳои вобаста ба тағирёбии иқлим дар мамлакат пешниҳод намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






