Коллеҷи тиббӣ таъмир гардид

Кӯлоб, 11 август. (АМИТ «Ховар», С. Холов). – Ба иттилои сармуҳосиби коллеҷи тиббии шаҳри Кӯлоб Нуралӣ Холматов бахшида ба ҷашни 20 – солагии Истиқлолияти давлатии ҶТ таъмири бинои таълимии коллеҷ ба итмом расида, айни ҳол сохтмончиён онро пардоз медиҳанд. Таъмири бино бо маблағгузории ҶДММ «Пахта» — и шаҳри Кӯлоб ба итмом расида, маблағи масрафгардида 60 000 сомониро ташкил дод.Масъулини коллеҷ тасмим гирифтаанд, ки то ҷашни фархунда дидбонгоҳ ва даромадгоҳи коллеҷи тиббиро аз нав созанд.