Консули Генералии Тоҷикистон дар Красноярск

Душанбе, 23 август (АМИТ «Ховар», Пайрав Назаров). – Консули Генералии Ҷумҳурии Тоҷикистон дар Екатеринбург Парвиз Асоев бо сафари корӣ аз Красноярск дидан кард.Тавре дар Раёсати иттилоот, матбуот, таҳлил ва тарҳрезии сиёсати хориҷии ВКХ ҷумҳурии Тоҷикистон ба АМИТ «Ховар» иттилоъ доданд, Парвиз Асоев дар ҷараёни сафар бо ҳукуматдорони кишвар ва шаҳр, намояндагони Хадамоти муҳоҷират ва Вазорати корҳои хориҷии Федератсияи Русия дар Красноярск мулоқот намуд. П.Асоев ҳамчунин бо ҳаёти сокинони шаҳри Красноярск ошноӣ пайдо намуда, вазъият ва шароити муҳоҷирони меҳнатӣ — шаҳрвандони Ҷумҳурии Тоҷикистон дар ин шаҳр шинос шуд.