Корманди ҶСШК «Барқ» дастгир гардид

Душанбе, 25 август. (АМИТ «Ховар», Мавҷуда Анварӣ) . — 24 августи соли ҷорӣ кормандони милиса зимни гузаронидани чораҳои фаврӣ-ҷустуҷӯӣ шаҳрванди шаҳри Кӯлоб, корманди ҶСШК «Барқ» Орипов Дилшод Машариповичро дастгир намуданд.Номбурда аз соли 2008 инҷониб дар вазифаи техники шӯъба фаъолият намуда, аз ваколатҳои мансабияш истифода бурда, нисбат ба назоратчиёни дар ихтиёраш буда бепарвоёна ва хунукназарона муносибат намудааст. Дар натиҷаи ин қарзи муштариёни ҶСШК «Барқ» афзоиш ёфта , ба 3 млн. 555 ҳазору 567 сомонӣ расидааст. Нисбат ба ин ҳодиса парвандаи ҷиноӣ оғоз гардида, тафтишот идома дорад. Дар ин бора аз маркази матбуоти ВКД ҶТ хабар доданд.