Кормандони ВКД ҶТ дар ИМА таҳсил намуданд
Душанбе, 5 август (АМИТ «Ховар», Пайрав Назаров). – 16 нафар шаҳрвандони Тоҷикистон, аз чумла кормандони Раёсати ҳифзи тартиботи ҷамъиятии Вазорати корҳои дохилӣ, ба манзури омӯхтани ҳамкории пулис ва аҳли ҷамъият аз 14 то 24 июл дар иёлоти Ню – Йорк ва Массачусетс буданд. Тавре дар Сафорати ИМА дар Тоҷикистон ба АМИТ «Ховар» иттилоъ доданд, ин сафар ҷузви лоиҳаи ҳамкории пулис ва аҳли ҷамъияти Шӯъбаи назорати маводи нашъаовар ва ҳифзи тартиботи Сафорати ИМА маҳсуб буда, аз ҷониби ширкати Эмерҷенс групп роҳандозӣ шуд.Ҳайат дар қуюди шабгардӣ иштирок намуд, аз қитъаи идораи пулис дидан кард ва ахбороти шӯъбаи пулис оид ба умури аҳли ҷамъиятро дар бораи барқарор намудани муносиботи ҳамкорӣ бо соҳибкорон ҷиҳати ошкор намудани хавфу таҳдиди террористӣ ва таҳким бахшидани кор бо аҳолӣ ва шабакаҳои иттилоотӣ шунид.Нисфи дуюми сафар дар се раёсати пулиси иёлоти Массачусетс сурат гирифт. Ҳайат дар Ню – Бедфорд бо раиси шаҳр мулоқот анҷом дод, ки дар он намояндагони Кумитаи амнияти ҷамъиятӣ низ ширкат доштанд. Гурӯҳи мазкур фаъолияти судро дар мавриди парвандаҳои ноболиғон ҷиҳати ҳамкорӣ бо шӯъбаи маорифи мактаб мушоҳида намуда, дар ҷаласаи ассосиатсияи аҳли ҷамъият иштирок намуд. Намояндагони ассосиатсияи «Safety Net» аз ҷараёни фаъолияташон бо раёсати пулиси Кембриҷ бобати рушди муносибатҳои байни пулис ва ҷавонон нақл намуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






