Курси такмили ихтисоси занони соҳибкор

Душанбе, 4 август (АМИТ «Ховар», Покиза Маҳмадбекова). – Ассосиатсияи миллии занони соҳибкори Тоҷикистон (АМЗСТ) якҷоя бо Ассосиатсияи занони соҳибкори вилояти Боткенти ноҳияи Қадамҷӯи Қирғизистон аз 18 то 24 июли соли 2011 курси такмили ихтисоси мутахассисони соҳаи қаннодӣ аз рӯи технологияи немисиро доир намуд.Тавре дар АМЗСТ ба АМИТ «Ховар» иттилоъ доданд, иштирокдорони курс на фақат ҳамаи нозикиҳои соҳаи қаннодӣ, хусусан технологияи немисии соҳаи қаннодиро аз худ намуданд, балки худашон ҳам маснуоташонро ба маърази намоиш гузоштанд. Дар ин маросим намояндагони маъмурияти мақомоти маҳаллии вилоят, раиси Кумитаи занони ноҳияи Қадамҷӯй, танзимгари Барномаи Рушди СММ Талай Исоев, роҳбари Ассосиатсияи занони соҳибкори вилояти Боткент Тӯхтахон Мамбетова, ҳамчунин намояндагони васоити ахбори омма ширкат доштанд.