Мақсади сафари Ҳ. Зарифӣ ба Ашқобод

Душанбе, 2 август. (АМИТ «Ховар», Пайрав Назаров). – Имрӯз, 2 август Вазири корҳои хориҷии Ҷумҳурии Тоҷикистон Ҳамрохон Зарифӣ бо супориши Роҳбари Давлат бо сафари кории дурӯза озими кишвари Туркманистон шуд. Зимни сафар Вазири корҳои хориҷии Ҷумҳурии Тоҷикистон бо Президенти Туркманистон Қурбонгулӣ Бердимуҳаммадов, муовини Раиси Девони Вазирон, Вазири корҳои хориҷии Туркманистон Рашид Мередов, муовинони Раиси Девони Вазирон Боймурод Хоҷамуҳаммадов (соҳаи нафту газ), Шагулиев Назаргулӣ (нақлиёт ва алоқа), Дерягелдӣ Оразов (энергетика ва сохтмон) ва Оразмурод Гурбанназаров (савдо ва саноати сабук) мулоқот доир менамояд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон иттилоъ доданд.