Маҷлиси Хадамоти консулии давлатҳои аъзои ИДМ

Душанбе, 12 август (АМИТ «Ховар», Пайрав Назаров). – 9 ва 10 август дар қароргоҳи ИДМ воқеъ дар шаҳри Минск маҷлиси гурӯҳи коршиносон барои мувофиқа намудани лоиҳаи Низомномаи Шӯрои машваратии роҳбарони Хадамоти консулии вазоратҳои корҳои хориҷии давлатҳои аъзои Иттиҳоди Давлатҳои Мустақил баргузор гардид.Дар маҷлис намояндагони Тоҷикистон, Арманистон, Беларус, Қазоқистон, Қирғизистон, Русия, Украина ва Кумитаи иҷроияи ИДМ ширкат доштанд.Тавре дар дафтари матбуоти Кумитаи иҷроияи ИДМ ба АМИТ «Ховар» иттилоъ доданд, иштирокдорони маҷлис лоиҳаи Низомномаи Шӯрои машваратӣ ва лоиҳаи Қарори Шӯрои вазирони корҳои хориҷии ИДМ – ро мувофиқа ва мутобиқ намуданд.Вазифаҳои асосии Шӯро иборат аз мадад ва таҳкими дӯстӣ, ҳамбоварӣ ва ҳамкории мутақобилан муфиди байналмилалӣ, рушд ва таҳкими ҳамкории миёни вазоратҳои корҳои хориҷии кишварҳои ИДМ, таъмини самарабахшии ҳамкории хадамоти консулӣ, мадад ба ҳалли муваффақонаи вазифаҳои консулии вазоратҳои корҳои хориҷии давлатҳои аъзои Иттиҳод, ҳамчунин тарҳрезии лоиҳаҳои муштараки созишномаҳо, роҳҳои ҳалли қазияҳои бахши консулӣ мебошад.