Маҷлиси Шӯрои ҳамоҳангсозии ИМД

Душанбе, 29 август (АМИТ «Ховар», Покиза Маҳмадбекова). – Дар шаҳри Душанбе таҳти раёсати вазири молияи Ҷумҳурии Тоҷикистон Сафаралӣ Наҷмиддинов иҷлосияи дуюми Шӯрои ҳамоҳангсозӣ аз рӯи масъалаҳои истифодаи маблағҳои давлатӣ баргузор шуд. Дар маҷлис ҷараёни татбиқи Стратегияи истифодаи маблағҳои давлатӣ дар давраи солҳои 2009 — 2011 мавриди муҳокима қарор гирифта, ҳамчунин Нақшаи нави сесолаи фаъолияти стратегияи истифодаи маблағҳои давлатӣ барои давраи солҳои 2012 – 2014 баррасӣ шуд. Шӯрои ҳамоҳангсозӣ Стратегияи такмили низоми муҳосиботи бахши давлатии Тоҷикистон барои давраи солҳои 2011 – 2018, Нақшаи сармоягузории густариши фаъолияти бахши андоз барои солҳои 2012 – 2014, стратегияи идораи таълимоти Вазорати молияи Ҷумҳурии Тоҷикистон ва Нақшаи стратегии рушди Сарраёсати хазинаи марказии Вазорати молияи Ҷумҳурии Тоҷикистон барои солҳои 2011 – 2016 – ро тасдиқ намуд.