Маркази қалбшиносӣ дар Хатлон

Душанбе, 24 август. (АМИТ «Ховар», Кристина Эрлих). – Дар Маркази маъмурии вилояти Хатлон сохтмони маркази қалбшиносии вилоятӣ дар арафаи анҷомёбӣ қарор дорад. Дар ин бора ба хабарнигори АМИТ «Ховар» аз Вазорати тандурустии Ҷумҳурии Тоҷикистон иттилоъ доданд.Ба иттилои манбаъ иншооти мазкур ҷашнӣ ба шумор рафта, дар арафаи таҷлили 20-умин солгарди Истиқлолияти давлатии ҶТ ба истифода дода мешавад. Ёдовар мешавем, ки то таҷлили ҷашн муасисаҳои тиббӣ — беморхонаи марказии ноҳиявӣ дар Ҷиргатол, беморхонаи байниноҳиявии касалиҳои сил дар Восеъ ва беморхонаи ҷумҳуриявии клиникии касалиҳои сил баъди тармими пурра ба истифода дода мешаванд.