Маркази нави ташхису муолиҷаи бемории сил

Кӯлоб, 2 август (АМИТ «Ховар», С. Холов). – Бахшида ба ҷашни 20 – солагии Истиқлолияти давлатии ҶТ дар ноҳияи Восеъ сохтмони бинои маъмурии «Маркази мубориза бар зидди бемориҳои сил» ба итмом расид ва он 5 августи соли ҷорӣ ба истифода дода мешавад,- гуфт директори марказ Сафаралӣ Мирзоев. Ба қавли ӯ бинои мазкур аз 9 утоқи корӣ иборат буда, бо таҷҳизоти муосири тиббӣ ҷиҳозонида шудааст. Ҳоло дар ҷамоати деҳоти Меҳнатободи ноҳия бо дастгирии Вазорати тандурустӣ сохтмони беморхонаи касалиҳои сили дорои 60 кат идома дошта, то ҷашни 20- солагии Истиқлолият ба истифода дода хоҳад шуд.