Минаҳои зиддитанкӣ мусодира шуданд

Хоруғ, 1 август. (АМИТ «Ховар», Лутфишоҳ Додоев). – Дар нишасти матбуотӣ, ки дар прокуратураи вилоят бо иштироки рӯзноманигорони ватанию хориҷӣ баргузор гардид, прокурори вилоят Арабшо Сиддиқов иттилоъ дод, ки ҳангоми тафтишот ва анҷоми корҳои ҷустуҷӯӣ аз сокинони шаҳри Хоруғ 13 намуд яроқи вазнини ҷангӣ, аз ҷумла як автомати Калашников, панҷ минаи зиддитанкӣ ва таппончаву милтиқ мусодира гардид. Дар давоми шаш моҳи соли равон бо кӯшиши мақомоти ҳифзи ҳуқуқи вилоят аз аҳолӣ 62 намуди яроқи оташфишон мусодира шуд. Дар ин давра мубориза алайҳи ғайриқонунӣ аз худ намудани молу мулки давлатӣ дар қиёс бо соли гузашта нисбатан пурзӯр гардид. Дар давоми нимсола нисбати 32 нафар парвандаи ҷиноятӣ боз гардида, зиёда аз 235 ҳазор маблағи давлатӣ бозпас гардонида шуд.Дар нимаи аввали соли ҷорӣ 30 кг 156 гр маводи нашъадор мусодира гардид, ки ин миқдор нисбати соли гузашта зиёд аст.