Мо ҳам аз партовҳо сӯзишворӣ истеҳсол мекунем?
Душанбе, 30 август. (АМИТ «Ховар», Лаззат Диловарзод).- Мушкилоти нарасидани сӯзишворӣ ва болоравии қимати он боиси баланд шудани нархи маводи ғизоӣ нафақат дар Тоҷикистон, балки дар сар то сари олам шудааст. Бо мақсади раҳоӣ аз он, як қисми давлатҳои дунё дар пайи дарёфти сӯзишвории арзон, аз қабили биоэтолон, ки аз партови растаниҳо, ҷуворимакка ва дигар намуди ғалладона истеҳсол мешавад, оғоз намуданд. Айни замон давлатҳои Бразилия, Олмон, Украина аз сӯзишвории арзони этолон истифода мекунанд. Дар Ҷумҳурии Тоҷикистон танҳо ширкати «Фондарё» ба истеҳсоли сӯзишвории биоэтолон машғул аст, ки он ҳам ба қадри зарурӣ истеҳсол намекунад.Ширкати «Алфакат» — и Олмон тавассути дастгоҳи катализатори бидуни фишор «КСД – 500» дар асоси партовҳои резинӣ, пластикӣ, устухон, партовҳои ҳайвоноту растаниҳо сӯзишвории баландсифати дизелӣ истеҳсол мекунад. Дар Ҷумҳурии Тоҷикистон намояндагии ширкати «Алфакат» — и Олмон бо сардории олим Алимхон Бурҳонов таъсис ёфтааст. Ба гуфти мутахассисони хоҷагии коммуналӣ дар партовгоҳи шаҳри Душанбе беш аз 25 млн. метри мукааб партов мавҷуд аст. Аммо фаъолияти намояндагии ширкати «Алфакат» дар ҶТ чӣ қадар босамар хоҳад буд, вақт довар аст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






