Муҳоҷирати бебозгашт рӯ ба афзоиш

Душанбе, 18 август. (АМИТ «Ховар», Лаззат Диловарзод).- Бино ба маълумоти шӯъбаҳои шиносномадиҳии Вазорати корҳои дохилии ҶТ тайи 7 моҳи соли ҷорӣ муҳоҷирати бебозгашти дохилӣ ва хориҷӣ нисбат ба ҳамин давраи соли 2010 афзудааст. Шумораи умумии муҳоҷирон (шумораи аҳолии кӯчомада ва ҷамъи умумии аҳолии кӯчрафта) дар давоми моҳҳои январ – июли соли равон 33,7 ҳазор нафарро ташкил додааст, ки нисбат ба ҳамин давраи соли сипаришуда 14,3 фоиз зиёд мебошад. Аз ҷумла, аҳолии кӯчомада 15,4 ҳазор нафар ва аҳолии кӯчрафта 18,3 ҳазор нафарро ташкил медиҳанд.
 
Шумораи умумии муҳоҷирони дохилӣ бо иваз кардани ҷойи истиқомат дар моҳҳои январ – июли соли ҷорӣ дар вилояти Суғд 10 ҳазор нафар, ВМКБ — 1,1, ҳазор нафар, вилояти Хатлон -7,1 ҳазор нафар ва дар ноҳияҳои тобеи ҷумҳурӣ 8,9 ҳазор нафар зиёд шудааст