Муаллимони тоҷик дар ИМА таҷриба андӯхтанд

Душанбе, 23 август (АМИТ «Ховар», Людмила Дубинина). – Чанде пеш 3 нафар муаллимони забони англисии Тоҷикистон аз ИМА баргаштанд. Онҳо якҷоя бо 20 нафар муаллимони забони англисии кишварҳои мухталифи ҷаҳон дар тренингҳои махсус иштирок намуда, аз иёлоти Орегон ва шаҳри Вашингтон дидан карданд. Муаллимон дар ҷараёни тренингҳо усулҳои самарабахши таълими забони англисӣ ва фарҳанги Амрикоро омӯхта, вақтҳои фориғашон бо мардуми Амрико сӯҳбат намуданд ва бо таърихи Иёлоти Муттаҳида шинос шуданд.Мувофиқи суханони муаллими забони англисии Донишгоҳи давлатии омӯзгории Тоҷикистон ба номи С.Айнӣ Парвина Ёқубова, чунин тренингҳо ба вай ва ба ҳамкасбонаш имкон медиҳанд, ки тахассусашонро такмил диҳанд.Дар ин бора ба АМИТ «Ховар» мутахассиси равобит бо аҳли ҷамъияти Маркази маърифатии «Мултикид» Артём Гейвандов иттилоъ дод.