Муаллимони тоҷик таҷриба меомӯзанд

Душанбе, 8 август (АМИТ «Ховар», Ҳалима Хушқадамова). – Бо дастгирии Бунёди байналмилалии ҳамкории башардӯстона 25 нафар муаллимони мактабҳои минтақаҳои мухталифи Ҷумҳурии Тоҷикистон аз 4 то 7 август дар Донишкадаи дӯстии халқҳои Русия таҷриба омӯхтанд. Дар дафтари матбуоти Бунёди байналмилалии ҳамкории башардӯстона ба хабарнигори АМИТ «Ховар» дар Федератсияи Русия иброз доштанд, ки таҷрибаомӯзӣ идомаи чорабинии баланд бардоштани маҳорати тадриси забони русӣ мебошад. Моҳи июн дар шаҳри Душанбе дар ҷараёни иҷлосияи ХХ1V Шӯрои ҳамкорӣ дар бахши маорифи давлатҳои аъзои ИДМ ва Конфронси ХVШ вазирони маорифи давлатҳои аъзои ИДМ дар ин бора қарор қабул шуда буд.