Муаллимони забони англисӣ аз тренинг гузаштанд

Август 16, 2011 10:28

Душанбе, 16 август (АМИТ «Ховар», Людмила Дубинина). – Бо ибтикори Маркази маърифатии «Мултикид» дар шаҳри Душанбе тренинги 11 – ум барои 13 нафар муаллимони забони англисии макотиби таҳсилоти миёнаи умумӣ анҷом ёфт.Дар тренинг, ки аз 1 то 11 август баргузор гардид, муаллимони вилоятҳои Суғду Хатлон, ВМКБ ва шаҳри Душанбе иштирок намуданд. Машғулият аз рӯи «Барномаи менторӣ» — и Сафорати ИМА дар ҶТ сурат гирифт. Ин барнома 5 сол боз дар Тоҷикистон роҳандозӣ мешавад. Соли 2010 дар шаҳри Душанбе чунин тренинг низ баргузор шуда буд. Мақсади барномаи мазкур иборат аз дарёфти усулҳои муосири тадриси забони англисӣ ва беҳдошти сифати таълими забони хориҷӣ дар мактабҳо мебошад.Тренинги ҳозираро коршиноси байналмилалӣ оид ба забони англисӣ аз Иёлоти Муттаҳида Кэрол Марш доир намуд. Номбурдаро Сафорати ИМА дар Ҷумҳурии Тоҷикистон ба кишвари мо даъват намудааст. Муаллимон дар ҷараёни тренинг усулҳои нави таълими забони англисиро омӯхта, аз шеваи пешқадами тадрис бисёр ҷиҳатҳои шавқоварро, ки дар чандин мамлакати ҷаҳон мавриди истифода қарор мегиранд, аз худ намуда, дар бораи такмили малакаҳои хаттӣ иттилооти нав ба даст оварданд.Дар ин бора мутахассиси равобит бо аҳли ҷамъияти Маркази маърифатии «Мултикид» Артём Гейвандов ба АМИТ «Ховар» иттилоъ дод.

Август 16, 2011 10:28

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд