Мухоҷирон соҳиби манзил мешаванд

Роғун, 12 август. (АМИТ «Ховар», Зебо Давлатова). – Бо оғози сохтмони НБО – и Роғун мувофиқи лоиҳаи пешбинишуда 8 деҳаи ҷамоати деҳоти Сичароғ аз минтақаи зериобмонии нерӯгоҳ кӯчонида мешавад. Тавре раиси ҷамоати деҳоти Сичароғ Давлатой Даҳмардаева ба хабарнигори АМИТ «Ховар» иттилоъ дод, то имрӯз 175 оила бо дастгирии мақомоти маҳаллии шаҳри Турсунзода ба заминиҳавлигӣ таъмин шудааст.Мавсуф афзуд, ки дар оянда 123 хоҷагӣ, ки ҷамъ 261 оилаҳои муҳоҷирро ташкил медиҳанд, марҳала ба марҳала дар ҳудуди шаҳри Роғун бо замини наздиҳавлигӣ таъмин карда мешавад.