Мулоқоти Эмомалӣ Раҳмон бо Йорг Фриден

Душанбе, 27 август. (АМИТ «Ховар»).- Президенти Ҷумҳурии Тоҷикистон Эмомалӣ Раҳмон Директори иҷроияи Гурўҳи Бонки ҷаҳонӣ Йорг Фриденро ба ҳузур пазируфт.Дар мулоқот масоили ҳамкории бисёрсола ва гуногунҷанбаи Тоҷикистон бо ин муассисаи бонуфузи молиявии ҷаҳонӣ баррасӣ шуд.Таваҷҷуҳи асосӣ ба татбиқи босамари нақшаҳои дастгирии рушди иҷтимоию иқтисодии Тоҷикистон, аз ҷумла дар самти беҳсозии идораи иқтисоди кишвар, сиёсати молиявӣ, соҳаи энергетика, пуштибонӣ аз соҳибкории хусусӣ ва ғайра зоҳир карда шуд.Бо қаноатмандӣ зикр гардид, ки аз соли равон ҳаҷми кўмакҳои молиявии Бонки ҷаҳонӣ аз рушди иҷтимоию иқтисодии Тоҷикистон 25% афзуд ва минбаъд ҳар сол барои дастгирии буҷети давлатӣ ва дигар корҳо 60 миллион доллари амрикоӣ маблағҳои грантӣ ҷудо карда мешавад.Гуфтугўйи судманд, ҳамчунин доир ба рафти корҳо барои асосноксозии иқтисодӣ-техникӣ ва омўзиши таъсири экологӣ – иҷтимоии лоиҳаи бунёди нерўгоҳи Роғун ва ҳамчунин доир ба ташкили бозори минтақавии фурўши нерўи барқ сурат гирифт.Ҳарду ҷониб ҳавасмандии худро ба таҳким ва густариши ҳамкории судбахш таъкид намуданд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.