Мулоқоти Талбак Салимов бо сафири Эрон Алиасғари Шердӯст

Душанбе, 15 август (АМИТ «Ховар», Назир Назиров). – 12 август раиси Кумитаи ҳифзи муҳити зисти назди Ҳукумати Ҷумҳурии Тоҷикистон Талбак Салимов бо Сафири Ҷумҳурии Исломии Эрон дар ҶТ Алиасғари Шердӯст мулоқот анҷом дод.Дар мулоқот раиси Созмони ҳифзи муҳити зисти Ҷумҳурии Исломии Эрон Муҳаммадҷовид Муҳаммадзода ширкат дошт.Зимни мулоқот масоили ҳамкории дуҷонибаи миёни Ҷумҳурии Тоҷикистон ва Ҷумҳурии Исломии Эрон дар бахши ҳифзи муҳити зист мавриди баррасӣ қарор гирифтанд.Масъалаҳои асосие, ки дар вазъияти дӯстона муҳокима шуданд, ба такмили ихтисос ва таълими кормандони Кумитаи ҳифзи муҳити зисти назди Ҳукумати ҶТ дар Ҷумҳурии Исломии Эрон, эъмори осорхонаи таъриху табиат дар шаҳри Душанбе дахл доштанд.Ҷониби Эрон тайёр аст, ки вақтҳои наздиктарин ҳуҷҷатҳои марбут ба ин масъалаҳоро имзо намояд.