Мусобиқаи тирпарронӣ байни занон

Душанбе, 24 август (АМИТ «Ховар», Лутфия Эшонқулова). – Дар Агентии назорати маводи нашъаовари назди Президенти Ҷумҳурии Тоҷикистон бахшида ба 20 – солагии истиқлолияти давлатии Тоҷикистон мусобиқаи тирпарронӣ аз таппончаи тамғаи «Макаров» байни занони корманди агентии мазкур баргузор шуд. Тавре дар маркази матбуоти агентӣ ба АМИТ «Ховар» иттилоъ доданд, дар ин мусобиқа бештар аз 20 нафар занон аз ҷумлаи ҳайати шахсии агентӣ иштирок намуданд.Мувофиқи суханони манбаъ дар мусобиқа лейтенант Ш.Бобохонова – нозири шӯъбаи умумӣ, капитан М.Ҳусейнова – нозири калони Раёсати амалиёти фаврӣ ва майор М.Норова – муҳосиби шӯъбаи молия ва хоҷагидорӣ ҷойҳои якум, дуюм ва сеюмро касб намуданд.