Намоишгоҳи ЭКСПО ва «ЧИН — Аврупо» дар Урумчӣ

Душанбе, 26 август. (АМИТ «Ховар», Покиза Маҳмадбекова). – Аз 1 то 5 сентябри соли равон дар шаҳри Урумчии Ҷумҳурии Мардумии Чин намоишгоҳи ҳарсола дар шакли нав — ЭКСПО «Чин — Аврупо» баргузор мешавад.Дар намоишгоҳ ҳамчунин соҳибкорон аз Тоҷикистон иштирок менамоянд.Дар чаҳорчӯби намоишгоҳи ЭКСПО «Чин — Аврупо» 9 форуми тиҷоратӣ, аз ҷумла «Рӯзҳои тиҷорати СҲШ», форуми рушди ҳамкориҳои бахши сайёҳӣ, форуми ҳамкориҳои бахши кишоварзӣ, форуми ҳамкориҳои бахши молиявӣ, форуми ҳамкориҳои бахши илмию техникӣ ва форуми вазоратҳои ВАО-и Чин ва кишварҳои Аврупо доир мегардад. Зикр кардан бамаврид аст, ки намоишгоҳҳои ташкилгардидаи ҳарсола бевосита барои дурнамои рушди муносибатҳои тиҷоратию иқтисодии Вилояти Мухтори Синҷону Уйғури Ҷумҳурии Мардумии Чин мусоидат менамоянд.