Натиҷаҳои самарабахши коркарди маҳсулот аз орд

Душанбе, 2 август. (АМИТ «Ховар», Мавзуна Бойева)- Корхонаи ҶДММ «Сомон-Турон-Инвест» соли 2010-ум аз Ҷумҳурии Қазоқистон ба миқдори 1 996 тонна орд ва ба миқдори 9 579 тонна гандум ворид ва аз ин миқдор гандум орди аълосифат истеҳсол намуда, ба бозорҳои ҷумҳурӣ бо нархҳои дастрас ба фурўш баровард.Дар ин бора ба мухбири АМИТ «Ховар» аз дафтари матбуоти Вазорати энергетика ва саноати ҶТ иттилоъ доданд. Қобили зикр аст, ки дар 6 моҳи соли ҷорӣ вуруди гандум дар корхона 7 720,2 тоннаро ташкил намуда, вуруди орд 1 608 тоннаро ташкил додааст. Истеҳсоли макарон дар соли 2010 373,1 тонна ва дар 6 моҳи соли 2011 192,9 тоннаро ташкил додааст.