Наврасонро беназорат намонед

Хоруғ, 26 август. (АМИТ «Ховар», Л.Додо). – Бар асари дар Бадахшон якбора гарм шудани ҳарорати ҳаво наврасону ҷавонон вақти зиёди худро ба оббозӣ дар кӯлҳову рӯдхонаҳо мегузаронанд. Мутаассифона, вақтҳои охир бинобар дар кӯлҳову рӯдхонаҳо оббозӣ кардани онҳо фоҷиаю нохушиҳо низ рӯй медиҳанд.Тавре аз дафтари матбуоти Раёсати корҳои дохилии вилоят иттилоъ додаанд, хонандаи синфи 7 – уми мактаби рақами 7 – и шаҳри Хоруғ Далер Хушвақтов дар кӯли Боғи фароғатии маркази вилоят ва хонандаи синфи чоруми мактаби рақами 1 – и ноҳияи Дарвоз Некрӯзи Иқболшоҳ дар дарёи Панҷ ғарқ шуданд.