НБО – и нав дар Дарвоз

Хоруғ, 23 август. (АМИТ «Ховар», Л.Додо). — Дар деҳаи Ширги ноҳияи Дарвоз бо иштироки муовини раиси Маҷлиси миллии Маҷлиси Олии Ҷумҳурии Тоҷикистон, раиси ВМКБ Қодири Қосим ва муовини вазири энергетика ва саноати ҶТ Акрам Сулаймонов нерӯгоҳи барқии «Ширг – 2» мавриди баҳрабардорӣ карор дода шуд, ки иқтидораш 500 киловатт мебошад. Ёдовар мешавем, ки ду сол қабл дар ин ҷо нерӯгоҳи барқии «Ширг – 1» бунёд гардида буд, ки иқтидораш 1260 киловатт аст. Акнун ҳамаи сокинони маркази ноҳия ва деҳаҳои атрофи он бо нерӯи барқ таъминанд.