Оғози ҷамъоварии пахта дар Восеъ

Восеъ, 25 август (АМИТ «Ховар», С. Холов). – Дар ноҳияи Восеъ маъракаи пахтачинӣ оғоз ёфта, кишоварзон талош бар он доранд, ки нақшаи ҷамъоварии ҳосилро сари вақт ва барзиёд иҷро намуда, ба рушди соҳаи кишоварзӣ саҳм гузоранд, гуфт сардори Раёсати кишоварзии ноҳия Сайдаҳмад Сайидов. Ба гуфтаи ӯ айни хол маъракаи ҷамъоварии пахта дар хоҷагиҳои деҳқонии ҷамоатҳои Меҳнатобод ва Тугарак оғоз гардида, аз аввали мавсим 470 тонна пахта ҷамъоварӣ шудааст. С.Сайидов афзуд, ки дар ноҳия беш аз 700 хоҷагии деҳқонии оилавӣ фаъолият дорад. кишоварзони ноҳия тасмим гирифтанд, ки аз ҳар гектар 22 сентнерӣ ҳосил ба даст оранд.